Mirësevini në Konteksti, podcast i K2.0 që synon me transformu zhurmën dhe me shpjegu të tashmen.
Në Konteksti bashkohemi për me i shpjegu, kuptu dhe analizu çështjet që kanë rëndësi.
Konteksti drejtohet nga kryeredaktorja e K2.0, Besa Luci dhe në episodën e parë, gazetarët e K2.0 janë bashku për me jep pikëpamjen e tyre mbi çështjet me të cilat punojnë çdo ditë: Fitim Salihu për politikë; Arian Lumezi për drejtësi dhe qeverisje; Ngadhnjim Avdyli për çështje sociale; dhe Dafina Halili për të drejtat e njeriut.
Në episodën tonë të parë shpjegojmë se pse po hymë në eksperimentin e podcast-eve.
Për më tepër, flasim për vitin që po na pret dhe domethënien që ka me pas për qytetarët. Çka mundemi me pritë nga viti 2019? Flasim për dialogun Kosovë-Serbi, por flasim edhe për ligjet e të drejtat, të drejtat e punëtorëve, barazinë dhe drejtësinë.
Dëgjojeni tani episodën tonë të parë dhe ndiqeni emisionin në aplikacione të podcast-eve, qoftë në iPhone, Android apo çfarëdo lloj telefoni. Kërkoni ‘Konteksti’ në aplikacionin tuaj të preferum (Apple Podcasts, Google Podcasts etj.) dhe ju lajmërojmë për çdo episodë të re!
