Në episodin tonë më të fundit të Kontekstit, po kyçemi në zhurmën politike të zgjedhjeve të ardhshme parlamentare në Kosovë që do të mbahen më 6 tetor. Gjatë javëve të kaluara, është bërë e zakonshme të shohim emra të rinj duke aderuar në politikë dhe partitë teksa festojnë ardhjet e reja në skuadrat e tyre. Në mesin e tyre pati njerëz që njihen si aktivistë dhe qytetarë të zëshëm të shoqërisë civile, e të cilët duam t’i pyesim –pse u bashkuat tani?
A është hyrja në parti politike caku i fundit për ta ndryshuar status quo-në? A nuk mund ta bësh ndryshimin përmes punës në shoqëri civile? A ndërton dikush karrierë me qëllim që eventualisht të kalojë në profesionin e politikanit? A do t’i ndryshojnë nga brenda partitë që po ju bashkohen, siç shpresojnë shumica?
Këto dhe shumë pyetje të tjera ua kemi bërë tri fytyrave të njohura që së fundmi kanë filluar të bëjnë fushatë me tri formacione të ndryshme: Hajrulla Çeku, ish-aktivist i “Ec Ma Ndryshe”, që së fundmi iu bashkua Vetëvendosjes dhe i cili ishte pjesë e qeverisë së Edi Ramës si ministër i turizmit, Eliza Hoxha asistente në departamentin e arkitekturës, e cila ka qenë e përfshirë në shumë projekte artistike dhe Besa Luzha, profesore e muzikës dhe koordinatore e programit të institutit social-demokratik Friedrich Ebert Stiftung në Kosovë.
Klikoni butonin këtu për ta dëgjuar episodën tonë më të re, apo ndiqeni Kontekstin në aplikacionin tuaj të preferuar të podcast-it!
Podcast-i ‘Konteksti’ mbështetet nga European Endowment for Democracy.
