A kanë fjalët rëndësi për ju? A ju pëlqen gjuha? A jeni të rrjedhshëm në shqip dhe në anglisht? A dini ta përçoni kuptimin e tekstit pa ia humbur saktësinë dhe origjinalitetin?

Nëse po, dhe dëshironi të punoni si përkthyes/e në ambientin dinamik të njërës prej organizatave mediale më të respektuara në rajon, atëherë na kontaktoni!

Pozita: Përkthyes/e shqip – anglisht – shqip

Orari: 20 orë në javë

Vendi: Prishtinë

Afati i fundit për aplikim: E mërkurë, 6 maj 2020 (23:59)

Fillimi i punës: 20 maj 2020

Përgjegjësitë:

• Pjesëmarrja në takimet e redaksisë të Kosovo 2.0 kur është e nevojshme, përkitazi me udhëzimet dhe pritshmëritë;
• Përkthimi i përmbajtjeve për revistën onllajn nga anglishtja në shqip dhe nga shqipja në anglisht, duke përfshirë tekstet dhe përmbajtjet për prodhimet multimediale;
• Përkthimi i materialeve të tjera që dërgohen nga stafi i K2.0 dhe për qëllime të K2.0;
• Koordinimi i punës me stafin e redaksisë dhe menaxhimi i punës cilësore brenda afateve kohore.

Kandidati/ja ideal/e:

• U kushton rëndësi detajeve dhe e kupton nevojën për ta përçuar saktë kuptimin; 
• Është serioz/e dhe efikas/e në kryerjen e punës së ngjeshur;
• Është i/e organizuar, i/e motivuar, njëherazi ka aftësi për të prioritizuar dhe për t’i kryer punët sipas afateve;
• Ka interesim në temat e mbuluara nga K2.0;
• Ka pasion për të kontribuar në rritjen e organizatës;
• Është profesional/e gjatë gjithë kohës kur e përfaqëson K2.0.

Aftësitë dhe përvoja :

• Diplomë bachelor në Gjuhë dhe Letërsi Angleze apo në ndonjë drejtim të ngjashëm;
• Preferohet të ketë së paku një vjet përvojë pune të ngjashme;
• Përvojë pune të saktë dhe efikase në një ambient dinamik;
• Gjuhët: rrjedhshmëria në të folur dhe në të shkruar në shqip/anglisht është thelbësore.

Për të aplikuar klikoni këtu deri të mërkurën, më 6 maj 2020, dhe përfshini të dhënat në vijim:

• CV-në;
• Letrën e motivimit;
• Emrat dhe kontaktet e dy personave të cilët K2.0 mund t’i kontaktojë për referencë.

Të gjithë kandidatët do të kontaktohen.K