Diçka për t’cilën t’kish me t’marrë malli. Diçka për t’cilën e kishe kthy krytë mbrapa. Të vërshuar prej lajmeve për të rinjtë e të rejat që duan të largohen prej vendit, duam ta ndërrojmë pak kahjen e diskutimit e të flasim për diçka tjetër. Diçka që sikur është fshi prej lajmeve.

Na dërgo rrëfimin tënd: Çka të mban këtu? Pse po rrin në Kosovë?  Një rrëfim për shtëpinë. Për punën, shoqërinë, shpresën e dashurinë. 

Nëse nuk je në Kosovë, kjo thirrje është edhe për ty. 

Na dërgo rrëfimin tënd për diçka që të mungon? Diçka që t’kish bo me u kthy pa mendu dy herë. Nëse sistemi i arsimit ish fuqizu..nëse e kishe pasë pagën ma të lartë…nëse e ardhmja do t’ishte më premtuese…çkado që t’kish frymëzu.

Na shkruani. Mbase ju shkojnë nëpër mend ditët e verës kur sheshet mbushen plot. Shoqëritë e afërta që nisën në klasë të parë e s’mbaruan kurrë. Ushqimi me të cilin je mësuar. Natyra e malet e larta. Shkollat. Vendi yt i punës. Rrugët. Solidariteti midis njerëzve. Kafja e famshme…çkado që juve ju mban këtu, çkado që ju s’e keni gjetë tjetërkund. 

Duam të gjurmojmë bashkë në reflektime, kujtime e çaste që i mbajmë afër shpirtit. 

Na e dërgo rrëfimin tënd –– shkruaj në 800 deri 1,200 fjalë qoftë në gjuhën shqipe, angleze apo boshnjake/kroate/serbe –– deri të premten, 7 prill në info@ktwopointzero.com dhe ne do t’ju tregojmë për hapat tjerë.

Mezi presim të redaktojmë bashkë me zëra të rinj dhe jo domosdo duhet të jeni shkrimtar/e apo gazetar/e. Ndaje rrëfimin tënd me ne dhe me lexuesit/et tanë/tona në Kosovë, Ballkan e përtej.

Imazhi i ballinës: Dina Hajrullahu / K2.0

Ky aktivitet organizohet me mbështetjen financiare të Bashkimit Evropian në kuadër të projektit “Diversifikimi i zërave në gazetari”. Përmbajtja është përgjegjësi vetëm e Kosovo 2.0 dhe nuk pasqyron domosdoshmërisht pikëpamjet e Bashkimit Evropian.

Pse kjo klauzolë?