A është gjuha e urrejtjes e pranuar gjerësisht në Slloveni?

“Kishte pjesëmarrje masive të votuesve dhe qytetarëve të rinj, me thekse të huaja”, thuhet në tekst. “Ata dolën në vendvotime në grupe prej 10 ose më shumë vetash. Ata veshin trenerka dhe kanë numra votimi të shkruar në duar. Jashtë qendrës së votimit në Lubjanë kishte grupe të vogla njerëzish që vazhdimisht bënin telefonata, shumë prej të cilëve flisnin serbisht”.Emri i shkruar nën tekst ishte Tomas Majer, por gazetarët lokalë kurrë nuk kishin dëgjuar për të, dhe përpjekjet e mediave lokale për ta gjetur ishin të pasuksesshme. Në këtë kontekst, shumë kanë spekuluar se autori i vërtetë i tekstit mund të ketë qenë vetë Jansha. Në shenjë proteste, në qendër të Lubjanës u organizua një tubim, ku shumë nga pjesëmarrësit kishin veshur trenerka.
“Termi “trenirkarji” [veshës të trenerkave] është një fyerje që në Slloveni përdoret kundër njerëzve nga shtetet pasardhëse Jugosllave; një mjet përjashtimi dhe poshtërimi”, shpjegon Simona Zavratnik, sociologe dhe ligjëruese në Fakultetin e Shkencave Shoqërore të Universitetit të Lubjanës. “Në Slloveni, terma të tillë shoqërohen kryesisht me një parti politike specifike, më saktë, me PDS-në dhe politikanët e saj”.Por, për PDS-në dhe udhëheqësin e saj, ky ishte vetëm fillimi i një fushate fyerjesh dhe shpifjesh drejtuar njerëzve që dikur jetonin në Jugosllavi.