Disiplinimi i diasporës

Përpjekjet për ta konstruktuar votën e diasporës si të papërgjegjshme, si votë “inati”, jo vetëm që e nënvlerësojnë votën e diasporës dhe e paraqesin si të paarsimuar dhe politikisht të painformuar, por gjithashtu nënkuptojnë se migrimi në vetvete është moralisht i pamjaftueshëm.

Figura që po disiplinohet nuk është kosovari global që admirohet, por qytetari i zakonshëm i diasporës, shpesh i klasës punëtore, që këmbëngul ta ushtrojë të drejtën e tij politike.

Ironia qëndron në faktin se Kosova nuk është dhe kurrë nuk ka qenë një shtet apo një rend politik thjesht territorial. Jeta shoqërore, ekonomike dhe politike e saj është formësuar edhe përmes angazhimit të kahmotshëm të diasporës.