Ngërç pas ngërçi

Ngërçi institucional tashmë ka hyrë në terren të paqartë kushtetues.

Përvojat nga vera e kaluar tregojnë se ngërçi në Kuvend mund të zgjasë për javë të tëra dhe për këtë mund të kërkohet edhe interpretimi i Gjykatës Kushtetuese.

Në thelb, ngërçi aktual lidhet me përplasjen mes dy proceseve që juridikisht janë të ndara: konstituimit të Kuvendit dhe zgjedhjes së presidentit.

Paqartësia që e ka kapluar procesin e konstituimit të Kuvendit dhe zgjedhjes së presidentit të ri, ka krijuar huti të mëdha kushtetuese rreth legjitimitetit të mbajtjes së pozitave ekzekutive nga LVV.

Nëse deri në fillim të tetorit nuk gjendet zgjidhje për këtë post dhe kjo pozitë mbetet vakante, thellohet edhe më tej paqartësia kushtetuese në të cilën ndodhet vendi.