Sauer: Migrimi nuk duhet të jetë humbje e njëanshme për Kosovën

Migrimi është humbje në një kuptim, por pyetja është nëse një pjesë e kësaj humbjeje mund të shndërrohet në njohuri, përvojë dhe ekspertizë që kthehen në Kosovë.

Paga ka rëndësi, por nuk është vetëm çështje page. Edhe kushtet e punës, mundësitë për karrierë dhe funksionimi i institucioneve kanë rëndësi.

Ajo që mungon është një qasje gjithëpërfshirëse që e ndërlidh migrimin e fuqisë punëtore me bashkëpunimin për zhvillim dhe ndërtimin e kapaciteteve në vendin e origjinës.

Zgjidhja nuk është të pengohen investimet private, por të ndërtohen kapacitetet e shtetit për ta rregulluar cilësinë dhe për t’i mbrojtur personat e cenueshëm.

Partneritetet e qëndrueshme kërkojnë njerëz që e kuptojnë procesin, institucione që e ruajnë njohurinë dhe besim afatgjatë mes aktorëve në të dyja vendet.

Njerëzit që kanë kaluar jetën e tyre duke punuar në Gjermani, Zvicër ose diku tjetër në Evropë mund të dëshirojnë të kthehen në Kosovë pas pensionimit, ose të paktën të kalojnë disa muaj të vitit këtu.