Të harrosh dhe të kujtosh përmes hapësirës publike

Pavarësisht faktit që nuk e përjetova luftën dhe nuk u rindërtova nga rrënojat e saj, teksa rritesha, e kuptova se kujtimet dhe rrëfimet e saj kishin formësuar rrugët nëpër të cilat ecja.

Gjersa shumica e të rinjve kosovarë mbështeten tek rrëfimet familjare dhe shkollimi për njohuritë e tyre lidhur me luftën, memorialet publike dhe hapësirat përkujtimore ndikojnë në mënyrën se si ata e interpretojnë traumën kolektive.

Që në moshë të re, shpesh iu drejtohesha të afërmve më të vjetër dhe, përmes rrëfimeve të tyre, kuptoja se sa shumë nga e kaluara ekziston vetëm në copëza.