A jeni të dhënë pas detajeve dhe ju pëlqen të punoni si pjesë e një ekipi dinamik e bashkëpunues?

K2.0 po kërkon një Menaxher/e të Financave dhe Administratës me orar të plotë për t’iu bashkuar organizatës sonë.

Personi që do të punësohet do të punojë ngushtë me drejtoren dhe menaxherët/et e departamenteve në K2.0 për të siguruar që të gjitha procedurat financiare dhe administrative të jenë efektive, transparente dhe në përputhje me rregulloret. Do të bashkëpunoni gjithashtu me pjesën tjetër të stafit për t’i mbështetur proceset e përditshme organizative dhe përputhshmërinë me politikat e K2.0 dhe kërkesat e donatorëve.

Po kërkojmë një koleg/e të përgjegjshëm/me dhe proaktiv/e, që e gjen veten në zgjidhjen e problemeve dhe punën me efikasitet. Nëse je ti ai ose ajo, apliko!

Pozita: Menaxher/e i Financave dhe Administratës
Orari: 40 orë në javë (orar i plotë)
Vendndodhja: Prishtinë
Afati i aplikimit: E diel, 28 shtator 2025
Data e fillimit: Nëntor 2025

Përgjegjësitë:

• Të mbajë evidencën financiare të organizatës dhe t’i mbikëqyrë buxhetet;
• Të sigurojë që kontratat për prokurim të jenë në përputhje të plotë me ligjet dhe rregulloret e brendshme;
• Të përgatisë buxhetet e projekteve në bashkëpunim me menaxherët e projekteve dhe drejtoren, si dhe të mbikëqyrë aspektet financiare të zbatimit të projekteve;
• Të përgatisë raportet financiare për donatorët dhe të ndihmojë në aplikimet për fonde;
• Të koordinojë çështjet financiare ndërmjet drejtores, menaxherëve të projekteve dhe organizatave partnere/donatore;
• Të menaxhojë kontabilitetin e organizatës në përputhje me Ligjin për Kontabilitetin, Raportimin Financiar dhe Auditim;
• Të mbikëqyrë pagat, arkën e vogël dhe menaxhimin e inventarit;
• Të sigurojë përgatitjen dhe dorëzimin me kohë të formularëve tatimorë, bilancit të tatimeve dhe raporteve të tjera të kërkuara në ATK;
• Të mirëmbajë arkivin dhe sistemin e dosjeve të organizatës në përputhje me ligjet dhe kërkesat e donatorëve;
• Të zbatojë politikat dhe procedurat organizative që lidhen me financat dhe administratën;
• Të koordinojë dhe mbështesë auditimet (të projekteve dhe të organizatës);
• Të mbikëqyrë administratën e zyrës, logjistikën dhe operacionet e brendshme për të siguruar funksionim të rregullt të përditshëm të organizatës.

Kandidati/ja ideal/e:

• Ka aftësi të shkëlqyera organizative dhe menaxhuese të disa detyrave njëkohësisht;
• Është proaktiv/e dhe i/e orientuar drejt zgjidhjeve;
• Arrin t’i respektojë afatet dhe të punojë nën presion në një mjedis dinamik;
• Është komunikues/e i/e qartë dhe bashkëpunues/e i/e efektshëm/me;
• Demonstron profesionalizëm në të gjitha aspektet e punës dhe përfaqësimit të K2.0.

Aftësitë dhe përvoja e kërkuar:

• Diplomë në Administratë Biznesi, Financa, Kontabilitet ose fusha të ngjashme;
• 3–6 vite përvojë profesionale në menaxhim të financave dhe administratës, idealisht në sektorin e OJQ-ve;
• Njohuri të forta në konsolidim, raportim grupi dhe standarde kontabiliteti;
• Përvojë në punë me valuta dhe entitete të ndryshme;
• Mendim analitik, aftësi për zgjidhje problemesh dhe aftësi për të menaxhuar proceset në mënyrë të pavarur;
• Përvojë të dëshmuar në administratë zyre dhe menaxhim operativ;
• Aftësi të shkëlqyera komunikimi dhe koordinimi ndërmjet departamenteve;
• Njohja e rrjedhshme e gjuhës angleze është e domosdoshme;
• Përvojë pune me QuickBooks.

Për të aplikuar:

Për të aplikuar, kliko “Apliko” më poshtë deri në mesnatë, më 28 shtator 2025, duke bashkëngjitur:

• C.V.-në tuaj;
• Letrën e motivimit;
• Emrin dhe të dhënat e kontaktit të dy personave që K2.0 mund t’i kontaktojë për referencë.