Laura Szymczak është studente polake e nivelit master në gjeoslavistikë, me interes akademik për shoqëritë sllave, pakicat kombëtare, të drejtat e njeriut dhe integrimin evropian. Në punën e saj të mëparshme akademike është marrë me pakicat polake dhe çeke në Moldavi, punë që ka rezultuar në një ekspozitë universitare dhe një seri podkastesh. Ka marrë pjesë gjithashtu në konferenca akademike për studimet sllave dhe tema që lidhen me Bashkimin Evropian. Aktualisht është duke mbajtur praktikë përmes programit Erasmus+ në Youth Initiative for Human Rights (YIHR) në Beograd, ku merret me çështje të të drejtave të njeriut dhe zhvillimet politike në Serbi dhe Kosovë.