Visar Ymeri është aktivist, komentator politik, e më herët pjesë aktive e politikës. Aktualisht është drejtor ekzekutiv në Institutin për Politika Sociale Musine Kokalari në Prishtinë. Ymeri ka qenë nënkryetar i Partisë Socialdemokrate (PSD) deri në vitin 2019. Para kësaj ka qenë kryetar i Lëvizjes VETËVENDOSJE! (LVV) për një mandat 3-vjeçar deri në dorëheqjen e e tij në janar të vitit 2018. Ymeri ka shërbyer si deputet në Kuvendin e Repulikës së Kosovës për 3 mandate (2011-2019), së pari me LVV-në e pastaj me PSD-në. Ymeri ka studiuar Sociologjinë në Universitetin e Prishtinës, dhe më herët ka studiuar për Studime të Mediave, Filozofi, Politikë dhe Letërsi në City and Islington College, në Londër të Mbretërisë së Bashkuar.
