Për ne

Kosovo 2.0 është organizatë e pavarur mediale, ndër të parat e këtij lloji, e cila e përfshin shoqërinë në diskutime thelbësore. Me anë të revistave të shtypura dhe online, me anë të debateve e nismave avokuese, përkushtohemi të paraqesim sa më qartë zhvillimet aktuale në Kosovë, në rajon e më gjerë. Konteksti është thelbi i punës sonë, dhe pa të nuk do të ishte e mundur të merret vesh se çka po ndodh rreth nesh.

Duke punuar në tri gjuhë— shqip, anglisht e serbisht — me dizajn e prezantime domethënëse, kontribuesit tanë përfshihen në diskutime globale, duke ofruar pikëpamje te reja interpretimesh bashkëkohore e ndërkombëtare sa i përket kulturës, artit, politikës, njerëzve e shoqërive.

E themeluar më 2010, fillimisht si platformë e vetme e blogut në Kosovë, K2.0 është zhvilluar shumë shpejt. Sot, ne punojmë si institut i gazetarisë, si produksion kreativ, avokues të të drejtave të njeriut, të lirisë së mediave dhe gjithëpërfshirjes.

Stafi ynë i rregullt përbëhet nga një ekip prej 12 personash, por ata që e kanë bërë të mundur krijimin dhe funksionimin e K2.0 janë në të vërtetë qindra njerëz. Së bashku me dhjetëra autorë të pavarur, fotografë, gazetarë, videografë, mendimtarë, aktivistë, sfidues, veprimtarë e njerëz kreativë të cilët janë të angazhuar në këtë proces, K2.0 po e riformëson skenën mediale në Kosovë, duke i mundësuar lexuesve tanë të mendojnë përtej lajmeve dhe të shikojnë përtej rrethit të tyre të ngushtë.

image-magazine

Revista e shtypur e K2.0

E lindur në 2011, në një kohë kur mediat e shtypit ishin në rënie e sipër nëpër gjithë botën. Revista e shtypur e K2.0 doli me numrin e parë një vit pas lindjes së platformës së blogut. Numri i parë i revistës sonë, Imazhi, sfidonte identitetin e shoqërisë e cila për një kohë të gjatë përfaqësohej në sferën ndërkombëtare si një vend i shkatërruar nga lufta dhe i kapluar nga korrupsioni.

Pas këtij numri pasoi Korrupsioni, Religjioni, Seksi, Hapësirat Publike, Balkart, Sporti, Ambienti, dhe Vitet e 90-a; një përmbledhje e gazetarisë së ngadalshme, me artikuj shpjegues dhe fotografi të mrekullueshme e cila tani vazhdon me gjithë vrullin në edicionin online.

Dizajni i revistës së K2.0 — i mendjeve kreative të studios Van Lennep në Amsterdam bashkë me kontribute të rëndësishme të dizajnerëve të ndryshëm grafikë të Kosovës — u shpërblye me çmimin e bronztë nga European Design Awards 2014.

Vizito seksionin tonë të shtypit për të kuptuar më shumë për secilin nga numrat tanë si dhe për të porositur gjithë përmbledhjen prej dhjetë numrave apo numrat veç e veç (kemi kopje!). Dhe mos harro se megjithëse kjo përmbledhje ka mbaruar, shtypi nuk ka vdekur…

Stafi

Bordi

Joan de Boer

Kryesuesi i Bordit

Joan de Boer është kryesues i bordit të K2.0. Joan ka një diplomë bachelor në artet e bukura nga kolegji kolektiv St. Joost në Brede, Holandë dhe aktualisht është bashkë-themeluese dhe menaxhere në SPRIGS.

 

 

Anna Di Lellio

Anëtare e bordit

Anna Di Lellio është profesoreshë e politikës në Nju Jork dhe hulumtimet e saja fokusohen në histori, kulturë dhe kujtime të Kosovës. Ajo është Drejtoreshë e Nismës së Historisë Verbale në Kosovë.

Linda Gusia

Linda Gusia është anëtare e bordit në K2.0. Linda është ligjëruese në Universitetin e Prishtinës, departamenti i Sociologjisë në Fakultetin Filozofik.

Puno në K2.0

Na vjen keq — aktualisht nuk ka vende të hapura pune si staf i rregullt i K2.0.

Megjithatë, nëse doni të kontribuoni në K2.0 nëpërmjet një blogu apo shkrimi, apo nëse jeni gazetar/e, fotograf/e, filmbërës/e i/e pavarur, na kontaktoni në info@ktwopointzero.com me subjekt “Content Pitch”.

Programi i praktikës në K2.0

Kosovo 2.0 ofron mundësi për punë praktike përmes Programit për Mentorim Profesional në Gazetari. Nëpërmjet këtij programi që konsiston në punë gjysmë-orari K2.0 ofron përvojë profesionale gazetareske për gazetarët e sapo diplomuar ose studentët e gazetarisë që janë afër përfundimit të studimeve të tyre dhe për të rinjt/rejat që aspirojnë të ndjekin karrierë në gazetari në të ardhmen.

Të gjithë praktikantët janë veç e veç mentorohen nga një gazetar përkatës nga stafii K2.0 gjatë gjithë programit pesë mujor.

Do të pranojmë aplikacione të reja në fillim të vitit 2019. Ju lutem kontrolloni përsëri për përditësime të mëtejshme.

Dera e hapur në K2.0

Në të kaluarën, K2.0 ka organizuar aktivitete të ndryshme, duke filluar nga punëtoritë e shkrimit të blogëve e diskutimet lidhur me temat e revistave tona e deri te eventet e mëdha me bende lokale e DJ ndërkombëtarë — për më tepër, kemi zhvilluar edhe fushata avokimi. Deri para pak kohe, ngjarjet i kemi zhvilluar në lokacione të tjera, por tani e kemi shtëpinë tonë dhe tash e tutje dëshirojmë t’ju kemi mysafirë.

E kemi hapur derën e lokacionit tonë të ri në qendër të Prishtinës, që është një vend për të menduarit kreativ, për qytetari aktive e ide të reja.

Me gjithë organizimin e ngjarjeve tona, jemi të hapur për ide bashkëpunimi dhe mbështetje të ngjarjeve me interes publik; këtu mund të përfshihen diskutime të hapura, koncerte të vogla, konferenca, punëtori, prezantime, konferenca për media, apo diçka krejt tjetër — pavarësisht nëse vjen vetë, përfaqëson ndonjë biznes apo organizatë joqeveritare, të mirëpresim për të diskutuar lidhur me idetë tua.

Githashtu mund të shfrytëzosh hapësirën tonë në mënyrë të pavarur, nëse kjo është ajo që po kërkon.

Dërgo një përshkrim të shkurtë të idesë në contact@kosovotwopointzero.eu me temën “Shtëpia e K2.0” për të diskutuar idenë.

Kontakti

Mbështetur nga