Ëndrra e rrezikshme britanike përmes detit

“Unë shkoj shumë rrallë në vendlindjen time, pasi nuk kam kë të takoj atje, shokët e mi kanë ikur të gjithë, ishim 16, sot jemi vetëm 3 në Shqipëri; prindërit zakonisht vijnë në Tiranë fundjavave, dhe unë nuk kam më arsye pse të shkoj atje”, thotë Malbori, i cili pavarësisht dëshirës të dalë nga Shqipëria, vijon të jetojë e punojë në vendin e tij.

Burreli, si shumë zona të Shqipërisë, kryesisht të veriut, është një rajon të cilin të rinjtë po e braktisin.

Shifra të sakta të ikjeve të ndara në rajone nuk ka për shkak se prej vitit 2011 Shqipëria nuk ka zhvilluar një census (numërim të popullsisë), ndërsa census i planifikuar për vitin 2021 dështoi.